მესტიის მუნიციპალიტეტის სოფელ მულახის საჯარო სკოლის ეკოკლუბ „მწვანეების“ წევრებისთვის, არასამთავრობო ორგანიზაცია „ახალგაზრდები ცვლილებებისთვის“ ორგანიზებით, წყლის რესურსების დაცვის საერთაშორისო დღესთან დაკავშირებით, ტრენინგი, სახელწოდებით „წყალი“ გაიმართა.

სკოლის ინფორმაციით, ეკოკლუბის წევრები ტრენინგის ფარგლებში გაეცნენ შემდეგ საკითხებს: წყლის პროცენტული გადანაწილება მსოფლიოში; წყალი და ჩვენი ჯანმრთელობა; წყლის დაბინძურება; სასმელი წყლის დეფიციტი მსოფლიოში; საქართველოს წყლის რესურსები და მისი დეფიციტის მიზეზები; ეფექტური გზები წყლის რესურსების შესანარჩუნებლად; საქართველოს კანონი წყალის შესახებ; წყალმოსარგებლის უფლებები.

ეკოკლუბელები ორგანიზაციის - „ახალგაზრდები ცვლილებებისთვის“ საქმიანობასაც გაეცნენ.

იხილეთ ფოტოები: