ოტია იოსელიანის სახელობის წყალტუბოს N1 საჯარო სკოლის მოსწავლემ წარმატებით იასპარეზა ძალოსნობის  შეჯიბრში.

სკოლის მიერ მოწოდებული ინფორმაციის მიხედვით, 2021 წლის 21 მარტს წყალტუბოს სპორტის სასახლეში გაიმართა გურამ მამიაშვილის სახელობის ღია პირველობა ძალოსნობაში ცამეტწლიანთა შორის.

„წყალტუბოს N1 საჯარო სკოლის მე-6^გ კლასის წარჩინებულმა, მოსწავლემ ჯაბა ტყეშელაშვილმა წარმატებით იასპარეზა ძალოსნობის შეჯიბრში.  მან პირველი ადგილი მოიპოვა და ჩემპიონი გახდა. ასევე, ამ დღეს სინკლერის ცხრილის მიხედვით დაამყარა რეკორდი (77 კგ) და ფულადი ჯილდოც დაიმსახურა. 60 ძალოსანთა შორის წარმატებით იღებდა მონაწილეობას კიდევ  სამი პირველსკოლელი:

• გიორგი ჯოხაძე II ადგილი
• ზურაბ იოსელიანი III ადგილი
• მიშო ახალაძე III ადგილი

მომავალ წარმატებებს ვუსურვებ ახალგაზრდა სპორტსმენებს. მეამაყებით პირველსკოლელებო! 6^გ კლასის დამრიგებელი მაკა ჟორჟოლიანია“, - აღნიშნულია სკოლის მიერ მოწოდებულ ინფორმაციაში.