ხონის მუნიციპალიტეტის ახალშენის საჯარო სკოლის მეხუთე კლასში საინტერესო და შემეცნებითი ფიზიკური აღზრდისა და სპორტის გაკვეთილი ჩატარდა. გაკვეთილის თემა იყო - „ჯანსაღი კვება“.
მოსწავლეებმა - საბა ჭელიძემ და ზილი ჩოგოვაძემ გადაწყვიტეს, თავად მოემზადებინათ მაკარონი. მათი მასწავლებელი დიანა ბერულავაა.
„ჯერ იყო ინგრედიენტების აწონვის პროცესი, ბავშვებმა ცოტათი მორიდებით დაიწყეს მუშაობა, დაიკაპიწეს ხელები და შეუდგნენ გარჯას. მასწავლებელიც დაეხმარა სამუშაო პროცესში. მათ მოამზადეს ორი სახის ცომი. ერთი მხოლოდ წყალითა და ფქვილით და მეორე - კვერცხით, ფქვილით და წყლით. მაკარონის სხვადასხვა სახეობის დასამზადებლად ტექნოლოგიებიც დაიხმარეს. ცომის დასვენების შემდეგ შეუდგნენ მაკარონის დამზადებას. ესეც მხოლოდ წყლითა და ფქვილით მომზადებული მაკარონის სხვადასხვა სახეობა. ესეც კვერცხით, ფქვილითა და წყლით მომზადებული. ესეც პატარების საბოლოო შედეგი“,-გვიამბობს სკოლის წარმომადგენელი.
იხილეთ ფოტოები
