დმანისის მუნიციპალიტეტის სოფელ ამამლოს საჯარო სკოლაში სასწავლო პროცესი რეგულაციების სრული დაცვით მიმდინარეობს. etaloni.ge - სთვის სკოლის დირექციის მიერ მოწოდებული ინფორმაციის მიხედვით, სასწავლო პროცესის დროს თერმოსკრინინგის პროცესი შეუფერხებლად, დაბრკოლების გარეშე მიმდინარეობს.
„თერმოსკრინინგის პროცესზე არსებობენ პასუხისმგებელი მასწავლებლები, რომელთა არყოფნის შემთხვევაში თერმოსკრინინგს მორიგე მასწავლებლები ატარებენ. ვფიქრობ, თერმოსკრინინგის პროცესს კარგად ანხორციელებენ პედაგოგები,რაც აღარ საჭიროებს დამატებით კადრებს.
ამ რეგულაციას დადებითად ვაფასებთ, ვინაიდან პირბადის ტარების შემთხვევაში უფრო დაცულია უსაფრთხოების ზომები, რაც ამცირებს ვირუსის გადადების რისკებს“, - აღნიშნულია სკოლის დირექციის მიერ მოწოდებულ ინფორმაციაში.