სტატუსის ამაღლებას მასწავლებლებს პროფესიული განვითარებისა და კარიერული წინსვლის სქემა ავალდებულებს. მართალია, მათ რჩებათ უფლება, დაკმაყოფილდნენ არსებული სტატუსით, თუმცა კომპეტენციის დადასტურება ხელფასის პირდაპირპროპორციულია.

სტატუსის ასამაღლებლად პედაგოგებმა გამოცდა უნდა ჩააბარონ, თუმცა კარიერული წინსვლის სქემაში არის პუნქტი, სადაც გარკვევით წერია, რომ წამყვან მასწავლებელს მენტორის სტატუსი გამოცდის გარეშეც შეუძლია მიიღოს, და თუ როგორ - ამას დეტალურად მოგახსენებთ:

სქემით განსაზღვრულია, რომ მენტორი მასწავლებლის სტატუსი შეიძლება მიენიჭოს წამყვან მასწავლებელს, რომელსაც უფროსი მასწავლებლის სტატუსის მოსაპოვებლად ჩაბარებული აქვს საგნის გამოცდა ან საგნობრივი კომპეტენცია დადასტურებული აქვს არანაკლებ 50%-იანი შედეგით, ან უფროსი მასწავლებლის სტატუსი მინიჭებული ჰქონდა დოქტორის აკადემიური ხარისხის საფუძველზე. წინააღმდეგ შემთხვევაში, წამყვანი მასწავლებელი უფლებამოსილია განმეორებით ჩააბაროს საგნის გამოცდა მენტორი მასწავლებლის სტატუსის მოსაპოვებლად.