ირაკლი აბაშიძის სახელობის ხონის N3 საჯარო სკოლის დაწყებითი კლასის მასწავლებელმა ლანა ლექვინაძემ შემოქმედებითი და საინტერესო გაკვეთილი ჩაატარა. გაკვეთილს სკოლის დირექტორი ვერიკო ბენიძეც ესწრებოდა და ის თავის შთაბეჭდილებებს გვიზიარებს:
„გუშინ მე-5 გაკვეთილზე არგონავტებთან ერთად მითების ლაბირინთში ვიმოგზაურეთ. კაპიტანმა სია ამოიკითხა და შევცურეთ გაშლილ ზღვაში, გზადაგზა დაბრკოლებებს ვაწყდებოდით, დავალებებს ვასრულებდით და წინ მივიწევდით. საბოლოოდ, ლაბირინთს თავი არიადნას გორგალის დახმარებით დავაღწიეთ. მე საჩურქად ცოდნის ჩირაღდანი მივიღე.
ეს ყველაფერი მე-3 კლასში მოხდა. კაპიტანი ლანა მასწავლებელი იყო. ლაბირინთიდან კი, მაგრამ ემოციებიდან ვერ გამოვედი. ლანა მასწავლებელო, ბავშვებო თქვენ ხართ საუკეთესო არგონავტები,“- აღნიშნავს დირექტორი ვერიკო ბენიძე.
იხილეთ ფოტოები
