ახმეტის მუნიციპალიტეტის, საკობიანოს საჯარო სკოლაში სასწავლო პროცესი სრული დატვირთვითა და რეგულაციების ზედმიწევნით დაცვით მიმდინარეობს. პედაგოგები მუდმივად ზრუნავენ მოსწავლეების მოტივაციის ამაღლებაზე და ამის ერთ-ერთი მაგალითი ხელოვნების პედაგოგი, სოფიკო შალამბერიძე გახლავთ.
სოფიკო შალამბერიძის ინიციატივით, საკობიანოს საჯარო სკოლაში, ხელოვნების საგანში, მოსწავლეების მოტივაციის ასამაღლებლად, შემუშავდა საინტერესო და კრეატიული პროექტი: შეიქმნა სასკოლო სასწავლო ხელოვნებისთვის განკუთვნილი ონლაინ-გვერდი „არტ-დღიური“, სადაც ხდება ნიჭიერი მოსწავლეების ნამუშევრების გამოფენა- პრეზენტაცია, ხელოვნების სხვადასხვა თემებზე სჯა-ბაასი, ასევე ყოველდღიურად ქვეყნდება ხელოვნების გაკვეთილების ამსახველი ფოტომასალა.
როგორც მოგახსენეთ, პროექტის ავტორი და ხელმძღვანელი ხელოვნების პედაგოგი გახლავთ და მოსწავლეებიც, საყვარელი სოფიკო მასწავლებლის ძალისხმევის შედეგად, ეზიარებიან ხელოვნებას.
