პარლამენტის განათლების, მეცნიერებისა და კულტურის კომიტეტის თავმჯდომარის, მარიამ ჯაშის განცხადებით, სასკოლო სახელმძღვანელოებში შინაარსობრივი ცვლილებები შევა და ამ პროცესში მონაწილეობა საზოგადოების დაინტერესებულ ნაწილსაც შეეძლება.

„ახალი სახელმძღვანელოების შემუშავების პროცესი დაწყებულია. ჩვენ, განათლებისა და მეცნიერების სამინისტროსთან ერთად, საზოგადოებას მივაწვდით ინფორმაციას, თუ როგორ შეძლებს საზოგადოების თითოეული წევრი, მიიღოს მონაწილეობა ახალი თაობის სახელმძღვანელოების შემუშავებასა და დახვეწაში. შინაარსობრივი პროცესის აბსოლუტურად ახალ ეტაპზე გადავალთ და ამისთვის მადლობა მინდა გადავუხადო განათლებისა და მეცნიერების სამინისტროს“, - განაცხდა მარიამ ჯაშმა.