აფხაზეთის N2 საჯარო სკოლაში ოკუპაციის 100 წლისთავი საინტერესო აქტივობებით აღნიშნეს.

სკოლის ინფორმაციით, კვირეულის მიზანია, მოსწავლეებმა რუსულ აგრესიაზე სრული ინფორმაცია მიიღონ.

„ოკუპაციის კვირეულის“ ფარგლებში, აფხაზეთის N2 საჯარო სკოლის ისტორიის პედაგოგის, ინგა თოდუას ხელმძღვანელობით, მე-9-მე-10 კლასის მოსწავლეები შეეცადნენ, დაედგინათ 1921 წლის თებერვლის საბჭოთა რუსეთის მიერ საქართველოს ოკუპაციის მიმართულებები და შეავსეს შესაბამისი კონტურული რუკები.

1921 წლის თებერვალში ქართველთა „დასახმარებლად“, სომხეთიდან, სოჭიდან, აზერბაიჯანიდან XI წითელი არმია შემოვიდა საქართველოში, რამაც გამოიწვია საქართველოს სახელმწიფოს ოკუპაცია უცხო სახელმწიფოს მიერ. ხალხის მიერ არჩეულმა დემოკრატიულმა მთავრობამ ქვეყანა იძულებით დატოვა.

1921 წლის 25 თებერვალს რუსეთის წითელმა არმიამ თბილისი აიღო და საქართველოს საყოველთაო და თავისუფალი არჩევნების გზით არჩეული ხელისუფლება დაამხო, რის შედეგადაც განახორციელა საერთაშორისო სამართლის სუბიექტის – საქართველოს დემოკრატიული რესპუბლიკის ანექსია“, - ნათქვამია სკოლის ინფორმაციაში.

იხილეთ ფოტოები: