თბილისის 8 საჯარო საბავშვო ბაღში სააღმზრდელო პროცესი დღეს არ განახლდა. როგორც თბილისის საბავშვო ბაგა-ბაღების სააგენტომ etaloni.ge-ს განუცხადა, ამის მიზეზი ბაღების თანაშრომელებისთვის კორონავირუსის დადასტურება გახდა.

„საბავშვო ბაღების თანამშრომელთა კორონავისრუსზე ტესტირება 26 თებერვალს დაიწყო. აღნიშნულის შედეგად ვირუსზე დადებითი პასუხი სხვადასხვა ბაღის 8 თანამშრომელს დაუდასტურდა. შესაბამისად აღნიშნულ ბაღებში სააღმზრდელო პროცესი 1 მარტიდან არ განახლდა“, - გვითხრეს სააგენტოში.

იხილეთ ასევე: საბავშვო ბაღების მასწავლებელთა ტესტირება დაიწყო - არიან თუ არა მზად დაწესებულებები 1 მარტს აღსაზრდელთა მისაღებად