როგორ აფასებს 2020 წელს და რა გამოწვევების წინაშე დააყენა კორონავირუსის პანდემიამ. რა ახარებს მასწავლებლებისგან და რას ურჩევდა მშობლებს - აღნიშნულ საკითხებზე etaloni.ge-სთან ბლიც-ინტერვიუში კასპის მუნიციპალიტეტის სოფელ ფერმის საჯარო სკოლის დირექტორი შახალ ისმაილოვი საუბრობს.
- კოვიდ-პანდემიამ დაგვანახა. . .
- რომ აუცილებელია რეკომენდაციების განუხრელი დაცვა, მხარში დგომა, გასაჭირის გაზიარება, ზრუნვა და ა.შ.
- ონლაინ სწავლებამ გვასწავლა. . .
- სასწავლო პროცესში ტექნოლოგიების გამოყენებისა და მეტი ტექნიკური რესურსების შეძენის აუცილებლობა.
- 2020 წელს დავახასიათებდი. . .
- როგორც გამოწვევების წელს, რომელმაც ძალიან ბევრი რამე გვასწავლა, როგორც თანამშრომლებთან ურთიერთობაში, ისე მოსწავლეებთან და მათ მშობლებთან მიმართებაში.
- მასწავლებლებისგან ყველაზე ხშირად მიხარია. . .
- პასუხისმგებლობის დიდი გრძნობის გამოვლინება, მხარში დგომა, პროფესიონალიზმი.
- მოსწავლეებისგან ყველაზე მეტად მიკვირს. . .
- ის რომ მიუხედავად ასაკისა მათ ამ გამოწვევებს კარგად გაართვეს თავი.
- მშობლებს ვურჩევდი. . .
- უფრო მეტად დაუდგნენ სკოლას მხარში, რომ მათი შვილები უფრო ღირსეული და განათლებული პიროვნებები აღიზარდონ.
- ყველაზე ხშირად ვფიქრობ. . .
- მომავალზე, ჩემს როლზე მომავალი თაობის აღზრდის საქმეში.
