საგარეჯოს მუნიციპალიტეტის, დიდი ჩაილურის საჯარო სკოლის მოსწავლეებმა მოკრძალებული გამოფენით გამოხატეს პატივისცემა სამშობლოს ერთიანობისთვის ბრძოლაში დაცემული გმირების - იუნკერების მიმართ.

დღეს რუსეთის მიერ საქართველოს ოკუპაციიდან 100 წელი შესრულდა; 100 წელი მას შემდეგ, რაც 11-დღიანი ბრძოლა ჩვენი მარცხით დასრულდა. თუმცა მიუხედავად იმისა, რომ უმცროსკლასელების ნახატები გამოიფინა დიდი ჩაილურის საჯარო სკოლაში, ამ პატარებმა უკვე კარგად იციან, რომ თავისუფლების წართმევა მარტივი არ არის და თუნდაც ბრძოლის ველზე გმირულად დაეცე, შინაგან თავისუფლებას ვერავინ წაგართმევს. და არც მისი მოპოვება შეუძლია ყველას - „თავისუფლება ლომთა ხვედრია“.

„დიდი ჩაილურის საჯარო სკოლა ქედს იხრის ჩვენი გმირი წინაპრების - ჩვენი იუნკრების წინაშე, რომლებმაც გმირულად შეწირეს საკუთარი სიცოცხლე სამშობლოს დამოუკიდებლობის დაცვას“, - ნათქვამია დიდი ჩაილურის საჯარო სკოლის მიერ გავრცელებულ ინფორმაციაში.