ოზურგეთის N2 საჯარო სკოლის VI 1 კლასის მოსწავლე თენგო თოიძემ მაია ჩიბურდანიძის ონლაინ-კლუბის თებერვლის გრან-პრის ტურნირში მიიღო მონაწილეობა და გამარჯვებაც მოიპოვა.

„ოზურგეთის N2 საჯარო სკოლა თენგოსთან ერთად, სიამაყით იზიარებს ამ სიხარულს. ჩვენი სკოლის VI-1 კლასის მოსწავლე თენგო თოიძე „მაია ჩიბურდანიძის ონლაინ-კლუბის თებერვლის გრან-პრის“ ტურნირზე პირველ ადგილზე გავიდა და ვულოცავთ თენგოს ამ გამარჯვებას“, - ნათქვამია სკოლის მიერ გავრცელებულ ინფორმაციაში და უდავოდ სასიხარულოა მოსწავლის წარმატება.

ჩვენც ვულოცავთ თენგო თოიძეს და ვუსურვებთ უამრავ გამარჯვებას ცხოვრების გზაზე.