მასწავლებელთა კომპეტენციის დადასტურების გამოცდაზე გასვლის მსურველთა ასაკი შეზღუდული არ არის - ამის შესახებ შეფასებისა და გამოცდების ეროვნულმა ცენტრმა etaloni.ge-ს განუცხადა.
ცენტრის განმარტებით, გამოცდაზე გასვლა ნებისმიერი ასაკის პირს შეუძლია. თუმცა პედაგოგების მსურველებმა გამოცდაზე დაშვების სხვა წინაპირობები უნდა გაითვალისწინონ.
კომპეტენციის დადასტურების გამოცდაზე მონაწილეობის მიღების უფლება აქვს:
პრაქტიკოს მასწავლებელს;
ბაკალავრს, მაგისტრს და/ან მათთან გათანაბრებული აკადემიური ხარისხის მქონე პირს;
პირს, რომელიც სწავლობს აღნიშნული საბაკალავრო/სამაგისტრო პროგრამის დამამთავრებელ კურსზე;
ან აქვს სამხედრო/სასპორტო პროფესიული განათლება;
მასწავლებლობის მსურველს, რომელსაც დიპლომის საფუძველზე აქვს მასწავლებლობის უფლება, ან სწავლობს აღნიშნული საგანმანათლებლო პროგრამის დამამთავრებელ კურსზე.
