ქუთაისის N19 საჯარო სკოლის მე-12 კლასის მოსწავლე ნუცა ჯავახაძე ლიეტუვაში საერთაშორისო უნივერსიტეტში, საერთაშორისო ურთიერთობების ფაკულტეტზე 80%-იანი დაფინანსებით ჩაირიცხა.

„კიდევ ერთი ემოციური დღე. კვლავ გაგვახარა მე-12 კლასის წარჩინებულმა მოსწავლემ ნუცა ჯავახაძემ. იგი ჩაირიცხა ლიეტუვაში, ქალაქ კლაიპედას ელ-სი-სის საერთაშორისო უნივერსიტეტის საერთაშორისო ურთიერთობების ფაკულტეტზე 80%-იანი დაფინანსებით (მაქსიმალური დაფინანსება 90%).

ნუცამ ამ წარმატებას მიაღწია სკოლის აკადემიური მაჩვენებლის, ინგლიური ენის ტესტისა და ინტერვიუს შეფასებაში მაქსიმალური ქულების მიღებით. ვულოცავთ ჩვენს საუკეთესო ნუცას და წარმატებებს ვუსურვებთ ცოდნის მწვერვალებისკენ მიმავალ გზაზე“, - აღნიშნულია სკოლის მიერ მოწოდებულ ინფორმაციაში.