ჯანდაცვის მინისტრის მოადგილემ თამარ გაბუნიამ განმარტა, რატომ უტარდებათ კორონავირუსზე ტესტირება მასწავლებლებსა და სკოლაში დასაქმებულ სხვა პირებს და რატომ არ იტესტებიან მოსწავლეები. 

მისი თქმით, ბავშვებთან მიმართებაში ასეთი სისტემური ტესტირების შესახებ არც მკაფიო მონაცემი არსებობს, რაც ამ გადაწყვეტილებას ხელს შეუწყობდა.

„რაც შეეხება პედაგოგების და სკოლის პერსონალის ტესტირებას, აქ უნდა მივიღოთ გონივრული გადაწყვეტილება, იმასთან დაკავშირებით, თუ ვინ არის მაღალი რისკის ჯგუფი, ვინ შეიძლება იყო ინფექციის უფრო აქტიურად გადამტანი. როდესაც ვსაუბრობთ დასაქმებულების ტესტირებაზე, აქაც გარკვეული მიდგომაა, როდესაც პროპორციულად 20% არის ის მაჩვენებელი, რაც გვაძლევს გარკვეულ მონაცემებს ინფექციის გავრცელების შესახებ. მასწავლებლების შემთხვევაში ჩვენი სამიზნეა ყველა პედაგოგიური პერსონალი და სასკოლო გარემოში დასაქმებულები. ბავშვებთან მიმართებაში ასეთი სისტემური ტესტირების შესახებ არც მკაფიო მონაცემი არსებობს, რაც ამ გადაწყვეტილებას ხელს შეუწყობდა. რესურსის თვალსაზრისით, რესურსტევადია, ამდენად, ამ ეტაპზე უპირატესობა ენიჭება მასწავლებლების ტესტირებას“,- განაცხადა გაბუნიამ.