„დიდი დღეა! - კორტოხის საჯარო სკოლის დირექტორმა, არჩილ პაქსაძემ მოსწავლეებს და მასწავლებლებს საკლასო ოთახებში დაბრუნება მიულოცა
02-02-2021
ხულოს მუნიციპალიტეტის სოფელ კორტოხის საჯარო სკოლამ სასწავლო პროცესი საკლასო ოთახებში, რეგულაციების დაცვით, განაახლა.
სკოლის კედლებში დაბრუნების სიხარული, დირექტორის არჩილ პაქსაძის ხელმძღვანელობით მთელმა სკოლამ გაიზიარა.
„ხვალ დიდი დღეა! - დაწერა სკოლის დირექტორმა 31 იანვარს სოციალურ ქსელში და ყველა მოსწავლეს, მათ მშობელსა და პედაგოგს სკოლაში დაბრუნება მიულოცა - „ყველა მშობელს, მასწავლებელს და მოსწავლეს ვულოცავ სასწავლო პროცესის საკლასო ოთახებში გაგრძელებას“.
დირექტორმა დაწყებითი კლასის მოსწავლეების ემოციებიც გაგვიზიარა.
„დღის ფრაზა რომელიც დღეს მეორე კლასში გავიგონე - „ნამდვილი სკოლა“,- დაწერა დირექტორმა.
სკოლების სიახლეები
