წყალტუბოს N1 საჯარო სკოლის დირექციამ საკლასო ოთახებში დაბრუნებულ მოსწავლეებს საზეიმო განწყობა შეუქმნა.

„ოტია იოსელიანის სახელობის ქალაქ წყალტუბოს N1 საჯარო სკოლაში მოსწავლეთა 85%-ზე მეტი გამოცხადდა... სკოლის დირექციამ დილიდანვე საზეიმო განწყობა შეუქმნა სკოლაში მომსვლელთ... დილიდანვე და ყოველ დასვენებაზე სკოლის რადიოკვანძის საშუალებით სასიამოვნო სიმღერები ჟღერდა.1-ლი გაკვეთილი კლასებში  დამრიგებლებმა ჩაატარეს თემაზე: „ფიქრები  პანდემიის  დროს  შინ  ყოფნისას...“ რითაც მოსწავლეებს საშუალება მიეცათ თავიანთი ფიქრები და განცდები გადმოეცათ. . . მეტად სიმბოლური იყო  მე-12-ა კლასელთაგან  პირველკლასელთათვის ფერადი ბუშტებითა და პირბადეებით დასაჩუქრება... თურმე  როგორ მოგვნატრებია  სკოლა  და  ერთმანეთი... მშვიდობიან, წარმატებულ  და  ჯანმრთელობით აღსავსე  მე-2 სემესტრს გისურვებთ ყველა პირველსკოლელს და სრულიად საქართველოს სკოლებს“,- ნათქვამია სკოლის ინფორმაციაში.