წყალტუბოს მუნიციპალიტეტის სოფელ ფარცხანაყანევის N3 საჯარო სკოლის მასწავლებლები პროფესიულ განვითარებასა და კარიერულ წინსვლაზე აქტიურად ზრუნავენ.

სკოლის მასწავლებლებმა - მაკა ხარაბაძემ და ბესო გოგისვანიძემ სტატუსი აიმაღლეს. მაკა ხარაბაძემ წამყვანი მასწავლებლის სტატუსი მოიპოვა, ბესო გოგისვანიძეს კი უფროსის სტატუსი მიენიჭა. 

სკოლა მასწავლებლებს პროფესიულ წინსვლას ულოცავს.

„ფეხბედნიერი 2021 წელი....
ფარცხანაყანევის N3 საჯარო სკოლა ულოცავს წამყვანი მასწავლებლის სტატუსის მინიჭებას მაკა ხარაბაძეს.
მაკა, შენ ხარ ის ადამიანი, რომელიც არასოდეს გადადებ სახვალიოდ იმ საქმეს, რომელიც დღეს შენი გასაკეთებელია. ამიტომაც ეს შენი წარმატებები და მიღწევები, ადამიანობასთან ერთად, კიდევ უფრო გამაღლებს ყველას თვალში.
ასევე ვულოცავთ უფროსი მასწავლებლის სტატუსის მინიჭებას, ჩვენი სკოლის ახალგაზრდა, ქარიზმატულ და მიზანდასახულ კოლეგა ბესო გოგისვანიძეს. კიდევ ბევრი წარმატების მომსწრენი გავხდეთ“,- ნათქვამია მისალოც წერილში.