ახალციხის N5 საჯარო სკოლის მასწავლებლები პროფესიულ განვითარებასა და კარიერულ წინსვლაზე აქტიურად ზრუნავენ.

სკოლის მათემატიკის მასწავლებელმა, ნანა დათაშვილმა და დაწყებითი კლასების პედაგოგმა მაია შველიძემ წამყვანის სტატუსი მოიპოვეს. 

სკოლის დირექცია პედაგოგებს პროფესიულ წინსვლას ულოცავს.

„ქალაქ ახალციხის N5 საჯარო სკოლის დირექცია წამყვანი მასწავლებლის სტატუსის მოპოვებას ულოცავს მათემატიკის მასწავლებელს ნანა დათაშვილსა და დაწყებითი კლასის მასწავლებელს მაია შველიძეს.

მასწავლებლებს მომავალი თაობების აღზრდაში ხომ უმნიშვნელოვანესი როლი ენიჭებათ. ისინი ემსახურებიან ქვეყნის მომავალზე ზრუნვას, ჩვენი ახალგაზრდების განათლების საქმეს. პანდემია დიდი გამოწვევა იყო საქართველოს მასწავლებლებისთვისაც. თუმცა პანდემიის რთულ პერიოდში ქალბატონმა ნანამ და ქალბატონმა მაიამ წარმატებით გაიარეს გარე დაკვირვება და წამყვანი მასწავლებლის სტატუსი მოიპოვეს.

სკოლა ამაყობს თქვენი წარმატებით გილოცავთ“,- ნათქვამია მისალოც წერილში.