ტყიბულის მუნიციპალიტეტის ჯვარისის საჯარო სკოლაში ახალი სასწავლო წლის დაწყებიდან დღემდე სამმა პედაგოგმა გაიარა გარე დაკვირვება წარმატებით და 4 კრედიტქულა დაიმსახურა.

ესენი არიან: ფიზიკის მასწავლებელი აზა ქათამაძე, რუსული ენის მასწავლებელი სერგო სირბილაძე და ინგლისური ენის მასწავლებელი მირანდა გიორგაძე.

გარე დაკვირვების წარმატებით გავლა პედაგოგებისთვის პროფესიული წინსვლის სქემაში დაწინაურებას და წამყვანის სტატუსის მიღებას ნიშნავს.

დირექტორი ულოცავს მასწავლებლებს მიღწეულ წარმატებას.