მარტვილის მუნიციპალიტეტის სოფელ კურზუს საჯარო სკოლის მასწავლებლები პროფესიულ განვითარებასა და კარიერულ წინსვლაზე აქტიურად ზრუნავენ.

სკოლის ქართული ენისა და ლიტერატურის მასწავლებელმა, ელიზა კალანდიამ გარე დაკვირვება წარმატებით გაიარა. მისი გაკვეთილი დადებითად შეფასდა, მიიღო 4 კრედიტი და წამყვანი მასწავლებლის სტატუსი მიენიჭება.

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.