წალენჯიხის მუნიციპალიტეტის ლიის თემის №1 საჯარო სკოლის მასწავლებლები პროფესიულ განვითარებასა და კარიერულ წინსვლაზე აქტიურად ზრუნავენ.
სკოლის პედაგოგებმა - ირმა სამუშიამ, დარეჯან ქარდავამ და შორენა კვირკვიამ გარე დაკვირვება წარმატებით გაიარეს.
სკოლა, დირექტორის ელგუჯა როგავას ხელმძღვანელობით, მასწავლებლებს წარმატებას ულოცავს.
„სკოლა და დირექტორი ელგუჯა როგავა პედაგოგებს: ირმა სამუშიას, დარეჯან ქარდავასა და შორენა კვირკვიას ულოცავს გარე დაკვირვების წარმატებით გავლას. უსურვებს შემდგომ წარმატებებს პროფესიულ საქმიანობაში“,- ნათქვამია მისალოც წერილში.
მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
