საბეჭისის საჯარო სკოლის მოსწავლეები მუსიკის გაკვეთილზე ფანდურზე დაკვრის ხელოვნებას ეუფლებიან
30-11-2020
წალკის მუნიციპალიტეტის სოფელ საბეჭისის საჯარო სკოლის მოსწავლეებისთვის მუსიკის გაკვეთილები სახალისო და საინტერესოა.
მე -9 კლასის მოსწავლეები მუსიკის გაკვეთილზე ეუფლებიან ქართულ ხალხურ საკრავზე - ფანდურზე დაკვრის ხელოვნებას. მოსწავლეებს მუსიკას მასწავლებელი - ნინელი ვიბლიანი ასწავლის.
სკოლის წარმომადგენლის თქმით, მუსიკის გაკვეთილზე შეძენილი ცოდნა და პრაქტიკული უნარ-ჩვევები მოსწავლეს საკუთარი თავის ძიებისა და თვითდამკვიდრების პროცესს უადვილებს. იგი საუკეთესო საშუალებაა თანდაყოლილი, ბუნებრივი მუსიკალური უნარებისა და მიდრეკილებების გამომჟღავნება- გახსნაში.
(ფოტოზე აღბეჭდილია მოსწავლე - სალატინ მუსტაფაევა და მასწავლებელი - ნინელი ვიბლიანი).
სკოლების სიახლეები
