ხაშურის N7 საჯარო სკოლის მასწავლებლები პროფესიულ განვითარებასა და კარიერულ წინსვლაზე აქტიურად ზრუნავენ.

სკოლის მათემატიკის მასწავლებელმა ჟულიეტა ღონღაძემ და მუსიკის პედაგოგმა, ნათია ბარბაქაძემ გარე დაკვირვება წარმატებით გაიარეს და სტატუსი აიმაღლეს. 

სკოლის დირექტორი მანანა ლაცაბიძე პედაგოგებს პროფესიულ წინსვლას ულოცავს. 

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.