ქალაქ ახალციხის საჯარო სკოლები 30 ნოემბრიდან დისტანციურ სწავლებაზე გადადიან. აღნიშნულის მიზეზი 1800–მდე მოსწავლის მშობლის მიერ განათლების, მეცნიერების, კულტურისა და სპორტის სამინისტროსთვის გაკეთებული მიმართვა გახდა.
29 დეკემბრამდე გააგრძელებს დისტანციურ სწავლებას ახალციხის მე–6 საჯარო სკოლა, სადაც მშობლების ნაწილი, ეპიდემიოლოგიური ვითარებიდან გამომდინარე ითხოვს სწავლების ონლაინ რეჟიმზე გადასვლას. „სამხრეთ კარიბჭის“ ინფორმაციით, დეკემბრის ბოლომდე დისტანციურ რეჟიმზე გადავლენ ახალციხის 1–ლი და მე –3 სკოლებიც, ხოლო მე–5 საჯარო სკოლაში დისტანციური სწავლება 18 დეკემბრამდე გაგრძელდება.
შეზღუდვების გამკაცრების მიუხედავად, 28 ნოემბრიდან სასწავლო პროცესის საკლასო ოთახებში წარმართვა მხოლოდ დიდ ქალაქებში იზღუდება. დანარჩენ სკოლებში კი დისტანციურზე გადასვლის გადაწყვეტილებას იმ შემთხვევაში იღებენ, თუ სკოლაში კორონავირუსის შემთხვევა დადასტურდება, მაგრამ არაერთ სკოლაში, უსაფრთხოების მიზნით მშობლები დისტანციურ რეჟიმზე გადასვლას ითხოვენ.
იხილეთ ასევე: სწავლა სრულად დისტანციურ რეჟიმზე 8 ქალაქსა და სათხილამურო კურორტებზე გადადის - ყველა შეზღუდვა, რომელიც 28 ნოემბრიდან ამოქმედდება
„რა დავაშავეთ რეგიონის სკოლის პედაგოგებმა? გამოდის, კორონა მხოლოდ ქალაქის მასწავლებლებისთვის არის საშიში!“ - რა გამოხმაურება მოჰყვა პედაგოგის პოსტს?
