ლაგოდეხის მუნიციპალიტეტის სოფელ კაბლის N2 საჯარო სკოლის მოსწავლეები საქართველოს ეროვნულ ინტელექტ-ჩემპიონატ „ეტალონის“ შესარჩევ ტურში მონდომებით ჩაერთვნენ, წარმატებას მიაღწიეს და მეორე ეტაპის ღონისძიებას დიდი სიხარულით ელოდნენ.

სკოლის პედაგოგი აღნიშნავს, რომ ლაგოდეხში ძალიან დიდი სურვილი აქვს ყველას, რომ ინტელექტ-ჩემპიონატის მეორე ეტაპის ღონისძიება ჩატარდეს. მისი თქმით, „ეტალონი“ ერთადერთი ნათელი წერტილია ბავშვებისთვის და ძალიან გულდასაწყვეტია, რომ ქვეყანაში არსებული შეზღუდვები, რომელიც კორონავირუსის პანდემიას უკავშირდება, ხელს უშლის „ეტალონის“ ღონისძიების ჩატარებას.

„სულმოუთქმელად ელოდებოდნენ ბავშვები სერტიფიკატებს და სიგელებს, წარმატებით გაიარეს პირველი ტური იმის იმედით, რომ მეორე ტურში მიიღებდნენ მონაწილეობას და გამოვლინდებოდა ლაგოდეხის მუნიციპალიტეტის „ეტალონი მოსწავლე“, მაგრამ სამწუხაროდ, არსებული სიტუაციის გამო ეს ყველაფერი ვერ ხერხდება!“,- გულდაწყვეტით აღნიშნავს სკოლის წარმომადგენელი.