თბილისის N83 საჯარო სკოლაში, ისევე როგორც დედაქალაქის სხვა ზოგადსაგანმანათლებლო დაწესებულებებში, სწავლა დისტანციურად მიმდინარეობს.

სკოლაში 1230 მოსწავლე და 74 მასწავლებელია, რომელთაგან 5 მენტორი მასწავლებელია, 30 - წამყვანი, 2 მასწავლებელი ელოდება სტატუსის შეცვლას წამყვან მასწავლებლად, ხოლო დანარჩენი უფროსი მასწავლებელია. 

სკოლა დისტანციურ სასწავლო პროცესს წარმატებით წარმართავს. ამ ეტაპზე ყველა მოსწავლე ჩართულია Teams- ის პლატფორმაში.

სკოლის დირექტორი და ოთხი პედაგოგი მონაწილეობს USAID საბაზისო განათლების პროგრამის ფარგლებში მიმდინარე კვლევაში.

სკოლის ყველა თანამშრომელი აქტიურად არის ჩართული „ახალი სკოლის მოდელის“ მიმდინარე ტრენინგებში.

„83-ე საჯარო სკოლა თავისი წარმატებული კოლექტივით სკოლის ახალი შენობის მოლოდინშია და იმედს ვიტოვებთ, რომ ოცნება აგვისრულდება“,- აღნიშნულია სკოლის ინფორმაციაში.