წყალტუბოს მუნიციპალიტეტის დღნორისის საჯარო სკოლის დირექტორმა გაიოზ ლომთაძემ გარე დაკვირვება წარმატებით გაიარა. მას პროფესიული წინსვლის ერთ-ერთი მთავარი კომპონენტი დადებითად შეუფასდა და წამყვანის სტატუსი მიენიჭება.

„დღნორისის საჯარო სკოლა, ამავე სკოლის დირექტორს, ბატონ გაიოზ ლომთაძეს ულოცავს გარე დაკვირვების წარმატებით გავლას და უსურვებს მას პროფესიული საქმიანობის კიდევ უფრო მაღალი საფეხურების დაძლევას“,-წერია სკოლის ინფორმაციაში.