ახალციხის მუნიციპალიტეტის მუსხის საჯარო სკოლის ინგლისური ენის მასწავლებელმა ნატო მაღრაძემ სტატუსი წარმატებით აიმაღლა. პედაგოგს წამყვანი მასწავლებლის სტატუსი მიენიჭა. 

მუსხის საჯარო სკოლის დირექცია და პედაგოგიური კოლექტივი ნატო მაღრაძეს პროფესიულ წინსვლას ულოცავს და წარმატებას უსურვებს. 

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.