ხელვაჩაურის მუნიციპალიტეტის სოფელ აგარის საჯარო სკოლა დისტანციურ სწავლებაზეა. დირექტორის, გულნარი ბაკურიძის თქმით, სკოლა არის ახალი გამოწვევის წინაშე, მოსწავლეებსა და მასწავლებლებს ახალი უნარ-ჩვევები უვითარდებათ და ეს ერთი მხრივ, კარგიცაა, რომ სასწავლო პროცესი არ შეჩერდეს.

მიუხედავად დისტანციურ სწავლებაში აქტიური ჩართულობისა, დირექტორი აღნიშნავს, რომ მასწავლებლებიც და ბავშვებიც მაინც საკლასო ოთახებში სწავლას ანიჭებენ უპირატესობას, სადაც მოსაწავლეებსა და პედაგოგებს უშუალო კონტაქტი და კომუნიკაცია აქვთ ერთმანეთთან.