ოზურგეთის მუნიციპალიტეტის სოფელ ორმეთის საჯარო სკოლა დისტანციურ სწავლებას განაგრძობს. როგორც სკოლის წარმომადგენელი აღნიშნავს, გასულ სასწავლო წელთან შედარებით, წელს გამოსწორებულია ტექნიკური ხარვეზები, მობილიზებულია სკოლის ყველა მოსწავლე, ჩართულობა ონლაინ სწავლებაში არის მაღალი და უკეთესი ხარისხის.

სკოლის პედაგოგები აქტიურად არიან ონლაინ სწავლებაში ჩართულნი და მაქსიმალურად იხარჯებიან, რომ სწავლება იყოს სრულფასოვანი. სკოლა ყველა რესურსს იყენებს სწავლის მაღალი ხარისხის მისაღწევად.