ჭიათურის მუნიციპალიტეტის ხრეითის N2 საჯარო სკოლის დირექტორი დოდო მოდებაძე დისტანციურ სწავლებაზე საკუთარ მოსაზრებას გვიზიარებს და აღნიშნავს, რომ მოსწავლეები აქტიურად არიან ონლაინსწავლებაში ჩართულები.
„ინტერნეტ რესურსებს ყოველთვის ვიყენებდით და სკოლაში დაბრუნების შემდეგაც აქტიურად გამოვიყენებთ.
რაც შეეხება დისტანციურ სწავლებას, რთული არ არის, ზოგჯერ გარემო პირობები, როგორიცაა ქარის დროს შუქის გათიშვა, ინტერნეტი, გვიქმნის პრობლემას, ასეთ დროს გვიწევს გაკვეთილების დროის შეცვლა, რომ არ ჩავარდეს, რომელიმე გაკვეთილი. ისე ზოგადად, „თიმსის“ პროგრამას ვიყენებთ, ყველა მოსწავლე ჩართულია, თუ მაინც რაიმე პრობლემა იქმნება, შემდეგ უკვე ყველა გზას მივმართავთ მოსწავლესთან საკონტაქტოდ.
ჩემი დიდი სურვილია და ალბათ, ყველა პედაგოგისაც, რომ საკლასო ოთახში იყოს სწავლა, ასეთ სწავლებას და ურთიერთობას არაფერი სჯობს“,-ამბობს დირექტორი.
