ჭიათურის მუნიციპალიტეტის ხალიფაურის საჯარო სკოლაში დისტანციური სწავლება აქტიურად მიმდინარეობს. მოსწავლეები მონდომებით არიან ჩართულები ონლაინ გაკვეთილებში და დავალებებსაც ხალისით ასრულებენ. მათთვის ინტერნეტსწავლებას მეტი ინტერესი აქვს.
„სწავლება რთული აღარაა ნამდვილად ჩემი სკოლისთვის, რადგან უკვე გვქონდა ამის პრეცენდენტი, მზად შევხვდით მეორედ დისტანციურ სწავლებას, როგორც მასწავლებლები, ასევე მოსწავლეებიც. ძირითად სასწავლო პროცესს „თიმსის“ პროგრამაში წარვმართავთ, პროგრამის გამოყენებაზე უამრავი სიახლე თუ დახმარებაა უკვე ინტერნეტში. დანარჩენი თუ რაიმე პრობლემა იქმნება ინდივიდუალურად, რა თქმა უნდა, ყველა მხარში ვუდგავართ ერთმანეთს და ვეხმარებით.
სკოლაში დაბრუნებისას აქტიურად გამოვიყენებთ ინტერნეტსწავლებასაც, რადგან მოსწავლეებიც უკვე მიხვდნენ, რომ მხოლოდ გასართობად არ გამოიყენება ინტერნეტი, სწავლა-სწავლების პროცესი უფრო სახალისო და მრავალფეროვანია“,-აღნიშნავს სკოლის დირექტორი.
