ქობულეთის მუნიციპალიტეტის სოფელ ჩაისუბნის N2 საჯარო სკოლაში ინტერნეტსწავლების რესურსებს აქტიურად იყენებენ და საკლასო ოთახებში დაბრუნების შემდეგაც პედაგოგები ინტერნეტმასალის გამოყენებას აპირებენ.

„დღესდღეობით კომპიუტერული ტექნოლოგიების გარეშე შეუძლებელია ნებისმიერი საქმიანობის წარმართვა, ამიტომ უმნიშვნელოვანესია განათლებაში ჩავრთოთ ინფორმაციული და საკომუნიკაციო ტექნოლოგიები, რადგან უზრუნველყოთ მომავალი თაობის ინოვაციებთან და სამყაროს განვითარებასთან ადაპტაცია და ხელი შევუწყოთ მათ ინტეგრაციას მომავალ ციფრულ სამყაროში. ინფორმაციული ტექნოლოგიების და ინტერნეტის  საშუალებით მოსწავლეს შეუძლია ქონდეს წვდომა უსაზღვრო ინფორმაციაზე და იგი ხდება „საინფორმაციო საზოგადოების“ ნაწილი“,-აღნიშნავს სკოლის წარმომადგენელი.