მასწავლებელთა პროფესიული განვითარების ცენტრის დირექტორმა ბერიკა შუკაკიძემ მასწავლებელთა შეფასების შესახებ ისაუბრა და რამდენიმე სიახლეც დაანონსა. მისი თქმით, მასწავლებელი ყოველ წელს უნდა ფასდებოდეს. კითხვით - ეთანხმებიან თუ არა მასწავლებლის სახლის ხელმძღვანელს, არის თუ არა ამის საჭიროება და გააუმჯობესებს ეს სწავლების ხარისხს? სკოლის დირექტორებს მივმართეთ.
ამჯერად, აზრს დუშეთის მუნიციპალიტეტის სოფელ ზანდუკის საჯარო სკოლის დირექტორი ჟუჟუნა წიკლაური გვიზიარებს.
„თავისთავად მასწავლებელი ყოველდღიურ მზადებაშია და უნდა იყოს, ამას სისტემატიური ხასიათი უნდა ქონდეს. ყოველ წელს არა, მაგრამ ყოველდღიური მზადება საგაკვეთილო პროცესისთვის აუცილებელია. ყოველწლიურად შეფასებას რაც შეეხება, მიზანშეწონილად არ მიმაჩნია, მოსწავლესთან მიმართებაში არ ექნება შედეგი. ყოველ წელს რომ პედაგოგი შეფასებისთვის ემზადება, საკუთარი შემოსავლის წყაროსთვის და ხელფასისთვის იბრძვის და მოსწავლეებისთვის ნაკლები დრო რჩება“,- აღნიშნავს ჟუჟუნა წიკლაური.
