დმანისის N2 საჯარო სკოლაში მაძიებელი პედაგოგების - ნინო არღვლიანისა და სვეტლანა ბაირამოვას ინიციატივით, თემაზე -„შემოდგომა დმანისში 2020 წელი“ პროექტი განახორციელდა.
„სკოლაში ჩატარდა სურათების კონკურსი - „ჩემი თვალით დანახული შემოდგომა“, მოსწავლეებმა შემოდგომის თემატიკაზე სურათები გადაიღეს, ფოტოები გადაიღეს საკუთარ სოფლებშიც. ასევე მოეწყო ნახატების კონკურსი - „შემოდგომა ჩვენ რაიონში“. კლასებმა ინდივიდუალურად წარმოადგინეს, გამოფინეს და მოაწყვეს საკუთარი კუთხე, გამოფენა - „შემოდგომის საჩუქრები“.
მოსწავლეები აქტივობაში ხალისით ჩაერთვნენ და შემოქმედებითი ნიჭი და შესაძლებლობები წარმოაჩინეს. მოსწავლეთა თვალით დანახული შემოდგომა მართლაც თვალწარმტაცია“,-აღნიშნა სკოლის წარმომადგენელმა.
პროექტის მონაწილე, გამარჯვებულ მოსწავლეებს სკოლის ადმინისტრაციამ სიგელები და სამახსოვრო საჩუქრებიც გადასცა.
იხილეთ ვიდეო
