აფხაზეთის N7 საჯარო სკოლაში აფხაზური ენის კვირეული გაიმართა
28-10-2020
თემურ ბოკუჩავას სახელობის აფხაზეთის N7 საჯარო სკოლაში აფხაზური ენის კვირეული ჩატარდა.
22 ოქტომბრიდან 27 ოქტომბრის ჩათვლით მოეწყო მხატვრულ-შემოქმედებითი და შემეცნებითი ღონისძიებები, მოეწყო კინოფილმების ჩვენება-განხილვა, ჩატარდა კონფერენცია ქართულ-აფხაზურ თემაზე, აფხაზური ენის წრის წევრებმა აფხაზურ ენაზე წაიკითხეს აკაკი წერეთლის გამზრდელი, გააჟღერეს დიალოგები აფხაზურად.
კვირეული ბოლოს ჩატარდა დასკვნითი კონცერტი ღია ცის ქვეშ, სადაც წარმოდგენილი იყო ქართულ-აფხაზური ცეკვები და სიმღერები. აფხაზეთიდან დევნილმა ომის ვეტერანმა, თენგიზ კვარაცხელიამ გაიხსენა აფხაზი მეგობრები და საკუთარი, მონატრების, ლექსით ურთიერთშენდობისკენ მოუწოდა მათ.
იხილეთ ფოტოები
სკოლების სიახლეები
