ქუთაისის N9 საჯარო სკოლის მოსწავლეები აქტიურად არიან ჩართულები მოსწავლეთა ტესტირების ინოვაციურ პორტალში - izrune.ge.

ყოჩაღი, წარმატებული ბიჭი - გაბრიელ ბარდაველიძე მეორე კლასის მოსწავლეა. გაბრიელმა izrune.ge-ს შემაჯამებელ ტესტში ოქროს დიპლომი დაიმსახურა.

„გამარჯობა. მე ვარ გაბრიელ ბარდაველიძე, 7 წლის, ძალიან მომწონს izrune.ge-ს ტესტები! სიხარულით ველი ყოველ ხუთშაბათს და თვის ბოლო კვირა დღის შემაჯამებელ ტესტს. დღეს მე ბედნიერი ვარ ჩემი შედეგით!“-ამბობს გაბრიელი.

izrune.ge ინოვაციური პროექტი და ონლაინ საგანმანათლებლო პლატფორმაა, რომელიც მოსწავლეს ეფექტური განათლების მიღებაში ეხმარება. მისი საშუალებით მოსწავლეს შეუძლია, გაიაროს თავისი ასაკის შესაბამისი კითხვებისგან შედგენილი ტესტები და შეამოწმოს საკუთარი ცოდნა.