წყალტუბოს არასახელმწიფო საერო საშუალო სკოლა „ოცნების“ მე-10 კლასის მოსწავლეებმა სამოქალაქო განათლების გაკვეთილზე შესწავლილი თეორიული მასალის პრაქტიკულად განხორციელება შეძლეს.

გაკვეთილის თემა იყო - „პროფესიონალიზმი“ და „ვაკანსია“. სასწავლო პროცესს პედაგოგი მაკა ბოჭორიშვილი ხელმძღვანელობდა. 

მოსწავლეებმა მოაწყვეს იმიტაცია, რომ ერთ-ერთ საუკეთესო რესტორანს შეფ მზარეული ესაჭიროებოდა. გამოცხადებულ ვაკანსიაზე კონკურსი გამოცხადდა. რთული პაექრობის შემდეგ, ჟიურიმ წინასწარ შედგენილი კრიტერიუმების გათვალისწინებით, გამარჯვებული გამოავლინა. რესტორნის შეფ მზარეულის თანამდებობა საუკეთესომ დაიკავა.

იხილეთ ფოტოები