ბანოჯის საჯარო სკოლის ყველა კლასში covid-19-ის პრევენციასთან დაკავშირებით კლასის საათი ჩატარდა
19-10-2020
წყალტუბოს მუნიციპალიტეტის სოფელ ბანოჯის საჯარო სკოლა ყოველთვის იდგა და დგას სწავლა-სწავლების პროცესისათვის უსაფრთხო გარემოს შექმნის სადარაჯოზე. სწორედ ამ მიზნით, ყველა კლასში, სკოლის დირექტორის ინიციატივით, covid-19-ის პრევენციასთან დაკავშირებით კლასის საათი ჩატარდა.
„მიუხედავად იმისა, რომ აქტიური თემაა და ფრაზებიც თანდათან გაიცვითა, მეტად შთამბეჭდავი იყო მოსწავლეთა მიერ შექმნილი საპრეზენტაციო სლაიდები და პოსტერები. ქალბატონი ნინო მიესალმა თითოეული კლასის მოსწავლეთა და მასწავლებლის ნამუშევარს და ჯანმრთელობა უსურვა, როგორც სასკოლო, ასევე მთელი მსოფლიოს საზოგადოებას!“,-ნათქვამია სკოლის ინფორმაციაში.
იხილეთ ფოტოები
სკოლების სიახლეები
