შუახევის მუნიციპალიტეტიეს სოფელ ახალდაბის საჯარო სკოლამ 2020-2021 სასწავლო წელი დისტანციურად დაიწყო, მაგრამ 2019-2020 სასწავლო წლის მიღწეული შედეგით იამაყა.
სკოლის ხუთივე კურსდამთავრებულმა ერთიანი ეროვნული გამოცდები წარმატებით ჩააბარა და სასურველ უნივერსიტეტებში ჩაირიცხა.
სკოლის პედკოლექტივი კურსდამთავრებულებს სტუდენტობას ულოცავს.
„წელს 2020-2021 სას/წლის დაწყებას შუახევის მუნიციპალიტეტის სოფელ ახალდაბის საჯარო სკოლა შეხვდა არასაგაკვეთილო პროცესში (online), მაგრამ იზეიმა გასული 2019-2020 სას/წლის მიღწეული შედეგით.
მე-12 კლასის 5 მეთორმეტეკლასელიდან 5-ვე უმაღლეს სასწავლებელში ჩაირიცხა და ახალ სას/წელს სხვადასხვა უნივერსიტეტებში სტუდენტების სტატუსით შეხვდნენ.
ახალდაბის საჯარო სკოლის პედკოლექტივი ულოცავს ამ დიდ წარმატებას სკოლას, თითოეულ მშობელსა და მე-12 კლასის კურსდამთავრებულებს. ვუსურვებთ წარმატებულ სტუდენტობასა და კარიერულ წინსვლას, ხოლო სკოლას ვუსურვებთ ამ გამოწვევების წინაშე ღირსეულად თავის გართმევასა და მრავალი წარმატებული თაობის აღზრდას“,-ნათქვამია მისალოც წერილში.
