ხარაგაულის მუნიციპალიტეტის სოფელ ზვარის საჯარო სკოლის პედაგოგებს ადგილობრივი რესურსცენტრის უფროსმა და პროფესიული კავშირის თავმჯდომარემ პროფესიული დღე მიულოცეს. 

„ზვარის საჯარო სკოლას საპატიო სტუმრები ეწვივნენ: ხარაგაულის რესურსცენტრის უფროსი, რესურსცენტრის თანამშრომლები და ხარაგაულის პროფესიული კავშირის თავმჯდომარე. მათ ზვარის საჯარო სკოლის პედაგოგებს მიულოცეს მასწავლებლის დღე, ხოლო სკოლის შერჩეულ მასწავლებელს, მზევინარ კიკნაძეს გადასცეს მადლობის სიგელი გაწეული შრომისთვის. პროფესიული კავშირის წარმომადგენელმა კი მზევინარ მასწავლებელს საჩუქარი გადასცა. დიდი მადლობა ჩვენს სტუმრებს მობრძანებისთვისა და საჩუქრებისთვის.

ჩვენი სკოლა ულოცავს 2020 წლის ზვარის საჯარო სკოლის საუკეთესო პედაგოგს, მზევინარ კიკნაძეს, ამ პრიზებს და უსურვებს შემდგომ წარმატებებს“,- ნათქვამია სკოლის ინფორმაციაში. 

იხილეთ ფოტოები