მცხეთის მუნიციპალიტეტის სოფელ ციხისძირის საჯარო სკოლის სამოქალაქო განათლების მასწავლებელმა ნათია შიბდიროვმა სტატუსი აიმაღლა. პედაგოგს წამყვანი მასწავლებლის სტატუსი მიენიჭა. 

სკოლა ნათია შიბდიროვს პროფესიულ წინსვლას ულოცავს.

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.