ჩხოროწყუს მუნიციპალიტეტის თაიას საჯარო სკოლაში 15 ოქტომბერს, განათლებისა და ჯანდაცვის სამინისტროების რეკომენდაციების დაცვით, ახალ გარემოში განახლდა სასწავლო პროცესი.

„ისევე როგორც სხვა სკოლებს, ჩვენც მოგვიწია, ახალ გამოწვევებთან გამკვლავება, „კოვიდ-19“ დაკავშირებული სირთულეების გამო. შესაძლებლობების ფარგლებში სკოლაში დაცულია განსაზღვრული რეკომენდაციები, კლასში მერხების განლაგება, პირბადის ტარება, ანტისეპტიკით ხელის დამუშავება, დისტანცირება. მასწავლებლები ყოველ გაკვეთილზე ცდილობენ შეახსენონ, მოსწავლეებს აღნიშნული რეკომენდაციების დაცვა“,-აღნიშნულია სკოლის ინფორმაციაში.