ქუთაისის N19 საჯარო სკოლაში სასწავლო პროცესი დისტანციურად დაიწყო. სკოლის დირექტორმა მოსწავლეებს, მშობლებსა და პედაგოგებს მიმართა და მიულოცა ახალი სასწავლო წლის დაწყება.

„ძვირფასო ბავშვებო, პატივცემულო კოლეგებო, მშობლებო მოგესალმებით და გილოცავთ ახალი 2020-21 სასწავლო წლის დაწყებას.

სამწუხაროდ, კვლავ დისტანციურად გვიწევს თქვენთან ურთიერთობა. დარწმუნებული ვართ, ჩვენი თქვენდამი უდიდესი სიყვარული და ერთგულება გაარღვევს ვირტუალურ საზღვრებს და ცოდნის სამყაროს საინტერესო და რთულ გზებზე ღირსეულად გიწინამძღვრებთ. გვჯერა თქვენი მონდომებისაც „ესეც გაივლის“ (მეფე სოლომონი) და, ალბათ, სულ მალე შევძლებთ თქვენს ჩახუტებასა და მოფერებას. წარმატებების გზებით გევლოთ მუდამ!“-ნათქვამია დირექტორის, ნატო კუხიანიძის მიმართვაში.