თბილისის N45 საჯარო სკოლა მოსწავლეებს განახლებული ბიბლიოთეკით დახვდება. ახალ სასწავლო წელს მოზარდები იმუშავებენ თანამედროვე სტანდარტის მიხედვით დაგეგმილ სივრცეებსა და ფერად, საინტერესო გარემოში.

ბიბლიოთეკაში მოსწავლეებისთვის განთავსებულია როგორც სამკითხველო, ასევე კომპიუტერული, სადისკუსიო და საკონფერენციო სივრცეები.

მასწავლებლები იხელმძღვანელებენ ახალი მეთოდური ლიტერატურითა და გზამკვლევებით.

I-IV კლასელთათვის ცალკე სივრცეში მოეწყო G-pried-ის განახლებული რესურსები (მანიპულატივები და მაორგანიზებლები, შემეცნებითი, საინფორმაციო და ლიტერატურული ტექსტები, სიტყვისა და ამოცანათა ბარათები).

სკოლის ადმინისტრაცია მოსწავლეებს და პედაგოგებს წარმატებულ და ნაყოფიერ წელს უსურვებს.

იხილეთ ფოტოები