თერჯოლის მუნიციპალიტეტის სოფელ ძევრის საჯარო სკოლის 12-ვე აბიტურიენტი საქართველოს პრესტიჟული უნივერსიტეტების სტუდენტი გახდა.
სკოლა კურსდამთავრებულებით ამაყობს.
„ცოდნა, ეს ისეთი ძლიერი საძირკველია, რომელზედაც მთელი სამყაროს აშენება შეიძლება! „განათლება, როგორც ყველაზე მნიშვნელოვანი ინვესტიცია“- სწორედ ამ დევიზით განაგრძობს აქტიურ საქმიანობას ძევრის საჯარო სკოლა. მართლაც და რა შეიძლება იყოს იმაზე დიდი სიამაყე, არა მარტო სოფლისათვის, არამედ ქვეყნისთვისაც, როდესაც „12“ აბიტურიენტიდან 12-ივე საქართველოს პრესტიჟული უნივერსიტეტების სტუდენტის მანტიას ჩაიცვამს! დიახ, ეს თქვენ ხართ ძევრის სკოლის მოსწავლეებო: „ახალგაზრდობა, იმედი ხვალის“! ვამაყობთ თქვენით და გისურვებთ წარმატებები არ მოჰკლებოდეთ თქვენ მიერ გადადგმულ თითოეულ ნაბიჯს, იხარეთ და იდღეგრძელეთ ჩვენი სამშობლოს საკეთილდღეოდ!“,- აღნიშნულია მისალოც წერილში.
