Etaloni.ge-ს წყალტუბოს N1 საჯარო სკოლიდან აცნობეს, რომ სკოლის ადმინისტრაცია და პედაგოგიური საზოგადოება 2020-2021 სასწავლო წლისთვის განსაკუთრებულად ემზადება და გრანდიოზული ღონისძიების მოწყობას გეგმავს. სკოლის მიერ გავრცელებულ ინფორმაციაში აღნიშნულია:

„ოტია იოსელიანის სახელობის, წყალტუბოს N1 საჯარო სკოლა მრავალთვიანი დასვენების შემდეგ, განსაკუთრებულად ემზადება ახალ სასწავლო წელს მოსწავლეების დასახვედრად. კერძოდ, წყალტუბოს მაჟორიტარი დეპუტატის, ბატონი  ცოტნე ზურაბიანისა და წყალტუბოს მუნიციპალიტეტის მერის მოადგილის, ალეკო დადუნაშვილის ჩართულობით, ჭეშმარიტი მამულიშვილის, შალვა კამლაძის ინიციატივით, სკოლის დირექტორის ფაქიზო ფანჩულიძის აქტიური მხარდაჭერით, სკოლის პედაგოგთა თანადგომით, განხორციელდა პროექტი „ლექსი კედელზე“, რომლის საზეიმო გახსნა იგეგმება ცოდნის დღესასწაულზე მ/წლის 15 სექტემბერს. ამავე დღეს სკოლაში მოეწყობა პროექტ „ჩვენებურების“ ფარგლებში შექმნილი საგანმანათლებლო რესურსების გამოფენა.

ამ მნიშვნელოვან მოვლენებს ჩვენი სკოლის სასწავლო ნაწილმა, ქალბატონმა დალი სილაგაძემ ექსპრომტად ლექსიც კი მიუძღვნა:

„როგორ შვენის სკოლის კედელს,
დიდი ოტიას ლექსი,
რომ დედა არის საწყისი,
ჩვენი ძირი და ფესვი,
დედაენა კი სუნთქვაა,
ერის ყური და თვალი,
სულის საზრდო და საუნჯე,
ჩვენი იმედი ხვალის".