დედოფლისწყაროს N2 საჯარო სკოლის ეკოკლუბმა - „შექმენი მომავალი“ ვაშლოვანის ნაკრძალში საინტერესო დღე დაგეგმა.

მოსწავლეები ნაკრძალში რაიონის მკვიდრ თეიმურაზ პოპიაშვილს შეხვდნენ და საინტერესო ინფორმაციები მოისმინეს.

„მან მოგვიყვა თავისი მოღვაწეობის ისტორია, რომელიც დაკავშირებულია ბავშვობასთან, ვაშლოვანის ნაკრძალთან, ორგანიზაცია „ნაკრესთან“, საინტერესოდ გაგვაცნო რაოდენ დიდი ადგილი უკავია ფოტო ხელოვნებასა და ბუნების სიყვარულს მის ცხოვრებაში. ერთი ფოტოს გადაღებაც კი როგორ დიდ მოთმინებას, ეთიკას, უსაფრთხოებასა და დიდ შრომას მოითხოვს.

p.s. ერთი რამ კი ცხადია, რომ არა „ნიკო კეცხოველის სასკოლო კონკურსი“, ჩვენ ამდენ არაფორმალურ სემინარებსა და კონფერენციებს ვერ მოვისმენდით. სულ ცოტა ხანში ნახევარფინალურ შეჯიბრზე მივდივართ, არ ვიცით გავიმარჯვებთ თუ არა, მაგრამ მაინც კმაყოფილები ვართ, რომ ამ ხნის განმავლობაში შევიძინეთ მეგობრები, აღმოვაჩინეთ საინტერესო გარემო ჩვენს გარშემო, შევისწავლეთ და გავითავისეთ ეკოლოგიური საკითხები“, - აღნიშნულია ეკოკლუბის ინფორმაციაში.

იხილეთ ფოტოები